Leita í fréttum mbl.is

Vonum að sem mest komi út úr þessu

Já þetta þykja stórfréttir. 2 ráðherrar staddir á Vestfjörðum á sama tíma og það eru næstum 4 ár í kosningar.

Nú er greinilegt að taka á í taumana með föstum tökum og er það mjög nauðsynlegt. Þá fækkar kannski "Til sölu" skiltum út í glugga í íbúðum og iðnaðarhúsnæðum í bænum. Tilfinningin hefur verið sú(A.M.K) hjá mér, að margir eru að hugsa sér til hreyfings og það hefur aukist til muna nú eftir hrinu slæmra frétta af atvinnumálum hér vestra.

En fullur hugur er í fólkinu hérna og eru allir að leggjast á eitt við að rétta úr kútnum. Við skulum vona að þessi fundur með ráðherrunum skili góðri útkomu.

 Ég vona það svo innilega, því hér er best að búa!


mbl.is Ráðherrar ræða við heimamenn á Vestfjörðum
Tilkynna um óviðeigandi tengingu við frétt

Það er hljótt

Óvenju hljótt er yfir málunum, það er staðreynd. Lítið er talað um þetta ástand í sjávarþorpunum og er eins og ekkert hafi gerst. Ef við lítum tölulega á málin á Flateyri að þá jafnast þetta á við að 35.000 manns hafi misst vinnuna á Höfuðborgarsvæðinu og ef við bætum Bolungarvík við fer talan upp í 53.000 manns!

Spáið í þessum tölum!

Jæja nýja frjálslynda og umbótasinnaða ríkistjórn, er ekki kominn tími á að láta verkin tala? 


mbl.is Flateyringar eru skítugu börnin hennar Evu
Tilkynna um óviðeigandi tengingu við frétt

Þá er bara að vona að þeir landi á

Flateyri og vinni aflann þar. Það væri óskastaða en einhvernvegin grunar mig að það verði ekki.

En það er skömminni skárra að þetta skuli haldast á Vestfjörðum.


mbl.is Stærstur hluti kvóta Kambs áfram á Vestfjörðum
Tilkynna um óviðeigandi tengingu við frétt

Frábært

Sagði frá þessu áður og segi frá þessu aftur!

Í áætlunum er að skipið sigli til Ísafjarðar og eiga eflaust margir eftir að nota sér þessa þjónustu hérna á Vestfjörðum. Þetta ætti að stuðla að lægri fluttningskostaði fyrir okkur hérna á svæðinu. Mikið hefur verið rætt um slíka þjónustu hérna og ætti þetta að koma til móts við þá sem eru hlynntir strandsiglingum.

En og aftur takk Norðlendingar! 


mbl.is Strandsiglingar hefjast aftur
Tilkynna um óviðeigandi tengingu við frétt

Strandsiglingar hefjast

Þetta eru bara frábærar fréttir að mínu mati. Þessa leið hlýtur að mega nýta okkur Vestfirðingum til góðs :)

Frétt af visir.is

Takk Norðlendingar fyrir að hugsa til okkar! 


Úff

Þessi hlíð er hættuleg og gott að ekki fór verr. Hefði bíllinn farið niður fyrir veg, þá hefði ekki þurft að spyrja að leikslokum. Mikið lán í óláni hefur fylgt þessari konu og ánægjulegt að vita að hún slasaðist ekki alvarlega.

Uppfærsla af ruv.is

Bíll valt um klukkan 15 í dag af veginum um Óshlíð. Ökumaðurinn var einn í bílnum og var á leið frá Bolungarvík til Ísafjarðar. Hann missti stjórn á ökutækinu með þeim afleiðingum að það valt út af, en lenti ofan vegar, en neðan við veginn er brattlendi sem liggur beint niður í sjó. Nota þurfti klippur til að ná ökumanninum úr bílnum, sem er mjög illa farinn. Hann valt yfir grjóthindranir sem staðsettar eru ofan við veginn til að hindra að hrun úr Óshlíðinni berist á hann. Ekki er vitað um tildrög slyssins en loka þurfti veginum á meðan verið var að ná ökumanninum úr bílnum. Hann var fluttur á Fjórðungssjúkrahúsið á Ísafirði og slasaðist hún töluvert samkvæmt upplýsingum frá vakthafandi lækni. Hún er þó ekki í lífshættu.

Greinilega munur á fréttamennsku. En gott að heyra að hún er ekki í lífshættu. 

Óshlíðagöngin eru á samgönguáætlun og bíða Bolvíkingar sem og aðrir íbúar svæðisins eftir þeim með mikilli spennu. Það verður góð samgöngubót. 


mbl.is Kona flutt á sjúkrahús eftir bílveltu í Óshlíð
Tilkynna um óviðeigandi tengingu við frétt

Að spila með

Ef reglurnar til að spila með eru svona, að þá er þetta eina leiðin til að eiga tilverurétt hér á Íslandi sem landsbyggð. Að vera þáttakendur í arfavitlausu kerfi og reyna að sigra aðra úgerðamenn, hafa af þeim kvótann.

Þá blæðir væntanlega einhverjum öðrum, en hvað um það, þetta eru reglurnar sem eru gefnar

Lifi Vestfirðir 


mbl.is Atvinnumálanefnd kannar möguleika á almenningshlutafélagi
Tilkynna um óviðeigandi tengingu við frétt

Að fylgjast með er eitt

Lausnir eru annað og þær þurfa að koma hratt og fljótlega. En gott að ráðherrum er falið að fylgjast með málum og vonandi að eithvað komi út úr því. Annars gæti farið verr í einhverju öðru þorpi. Sjávarútvegsfyrirtæki í minni byggðum landsins virðast eiga í vök að verjast.

Einar hefur nú verið í þessu lengi og er hans heimabær einn af þeim sem hefur nýlega fengið að kenna á þessu og veit ég satt að segja ekki hverju hann hefur að bæta við í þessu máli, en Össur er nýtt blóð og þar er von. 


mbl.is Ráðherrum falið að fylgjast með þróun mála á Flateyri
Tilkynna um óviðeigandi tengingu við frétt

Þessir menn eru í vinnunni sinni

Mér finnst gaman að sjá að flokksmenn Frjálslynda flokksins láta sig málefni Flateyrar varða.

Mættu allir alþingismenn gera hið sama. Ástandið þar er ekki gott og það ættu að vera nokkuð skýr skilaboð, ef halda þarf bænastund í kirkju vegna atvinnuástands, en það gerðu Flateyringar kl 17:30 í gær.

Nú þurfa Flateyringar og Bolvíkingar á styrk að halda og er ég viss um að í mörgum fleiri sjávarþorpum er svipað upp á teningnum og það sem kom fyrir hérna fyrir vestan.


mbl.is Kristinn leiðir þingflokkinn
Tilkynna um óviðeigandi tengingu við frétt

Áfram Flateyri!

Ég sagði að vísu frá þessu hérna áðan en góðar sögur eru aldrei ofsagðar. Nú gildir fyrir Flateyringa að snúa vörn í sókn og óska ég þessu sambæjarbúum mínum hinu megin við Vestfjarðagöngin alls hins besta í sinni baráttu.

 Áfram Flateyri!


mbl.is Nýr smábátur til Flateyrar
Tilkynna um óviðeigandi tengingu við frétt

Til hamingju Ísland

Jæja þá er ný ríkistjórn tekin við taumunum hérna á eyjunni. Nú, loksins vitum við Vestfirðingar hvert við eigum að snúa okkur. Spennandi verður að sjá úrlausnir á vanda Vestfjarða framkvæmdar. Af mörgu er að taka hérna hjá okkur og veitir ekki af alvöru framkvæmdum strax, áður en það verður of seint.

Hvenær verða Óshlíðargöngin boðin út?

Hvað verður um leiðina á suðurfirðina?

Vestfirðingar bíða spenntir.

Kæra ríkisstjórn, vegni ykkur vel í starfi! 


mbl.is Ný ríkisstjórn tekur við völdum
Tilkynna um óviðeigandi tengingu við frétt

Vörn í sókn!

Bátur að bætast við flota Flateyrar. Margt smátt gerir eitt stórt.

Áfram svona Flateyringar!

Frétt af bb.is 


Vestfirðir brenna

Gæti orðið fyrirsögn innan nokkura ára, ef litla sæta olíuhreinsunarstöðin okkar fær/nær að rísa.

Spurning hvort við verðum ekki öll farin héðan þá?

En gott að engin er alvarlega slasaður þarna í Noregi og vona ég að mennirnir sem fengu reykeitrun hressist brátt.

Uppfærsla:

Fékk ábendingu frá vini Vestfjarða og ábúanda, en hann kannaði staðreyndir aðeins betur. Staðreyndin er sú að þetta er tankasvæði, en ekki stöðin sjálf. Vinna við að slökkva eldinn tók 2 tíma.

Fínar brunavarnir það :)

Hérna er heimasíða tanksvæðissins

Frétt um brunan af norskri fréttasíðu

Takk Víðir. 


mbl.is Mikill bruni í olíuhreinsunarstöð skammt frá Bergen í Noregi
Tilkynna um óviðeigandi tengingu við frétt

Til hamingju með daginn!

Hún er alveg ótrúleg hún Torfhildur. Maður sér hana enn á vappi um bæinn af og til, eldhressa.

 

Svona verðum við nú gömul á Vestfjörðum, því hér er gott að búa :) 


mbl.is Elsti Vestfirðingurinn er 103 ára í dag
Tilkynna um óviðeigandi tengingu við frétt

Já nú líst mér á

Einhver rækja virðist vera í hafinu um þessar mundir. Minningarnar um 4 rækjuverksmiðjur og 3-4 frystihús á Ísafirði er farin að dofna, en svo var þetta hérna á Ísafirði í kringum 1990. Nú er eftir 1 rækjuverksmiðja og 1 frystihús. Hvað veldur, er vandi að spá?

En flott að rækjuveiði er hafin aftur og nú er bara að vona að það sé nóg af henni og verð fari að hækka....og gengið lækka.... samgöngur lagist...opna útflutningshöfn á Ísafirði aftur.....

Sjá einnig á bb.is 


mbl.is Birtir til í rækjuiðnaði á Ísafirði
Tilkynna um óviðeigandi tengingu við frétt

Verður þetta tekið til greina?

Nú er að fá viðbrögð hjá þeim sem hafa völd til að breyta og lagfæra þessi mál.

Geðþóttaákvarðanir eru ekki af hinu góða í svona stórum hagsmunamálum sem þessum og einhvað af þessu ofurfrelsi sem kvótaeigendum er gefið, verður að hefta. Það er sárt að sjá byggðalögin leggjast í rúst vegna þeirra.

Það er engin af hinum minni sjávarbyggðum óhult á meðan kvótakerfið býður upp á þetta, hvaða byggðalag verður næst?


mbl.is Unnið verði að stefnumörkun um atvinnuöryggi fiskverkafólks
Tilkynna um óviðeigandi tengingu við frétt

Öll umræða er góð

Og koma svo með framkvæmdirnar. Það er það sem við þurfum, nefndir, ráð og skýrslur eru ofnotaðar aðferðir.

FRAMKVÆMDIR TAKK! 


mbl.is Ráðherrar ræddu um stöðu Vestfjarða
Tilkynna um óviðeigandi tengingu við frétt

Áskorun

Ég tek undir þessa áskorun.

Vestfirðingar, sameinumst á bak við Flateyringa í baráttu þeirra, það styrkir okkur öll! 


mbl.is Vilja að stjórnvöld grípi til aðgerða á Flateyri
Tilkynna um óviðeigandi tengingu við frétt

Leitað leiða

Það er greinilega verið að leita leiða til að bjarga því sem bjargað verður. En auðvitað verða einhverjir óánægðir ef of mikið fer á einn stað. En þannig er bara í pottinn búið að akkúrat NÚNA þurfa Flateyringar aðhald, því einn kvótaeigandi ákvað að leggja bæinn þeirra í rúst.

Já svona er nú kvótakerfið réttlátt.....eða þannig!

Annars er þetta flott lausn! -  Vatn og/eða bjórverksmiðja - Frétt af bb.is


mbl.is Hugmynd um að almenningshlutafélag kaupi aflaheimildir Kambs
Tilkynna um óviðeigandi tengingu við frétt

Global warming?

Já þetta er merkilegt. Að svona risa klumpur skuli falla til jarðar.

Á Ísafirði er SNJÓKOMA!

Svona er þetta þann 22. maí :)

Greinilegt að maður þarf að klæða sig vel! 


mbl.is Bóndinn í Lækjartúni fann stærðar ísbolta á túni eftir haglél
Tilkynna um óviðeigandi tengingu við frétt

Næsta síða »

Vestfirðir
Vestfirðir

Hér má finna samansafn greina og frétta um fjórðunginn og lífsbaráttu hans. Einskonar tenglasafn. Ábendingar um greinar og tengla eru vel þegnar á vefpóstinn vestfirdir@gusti.is .

A.T.H! Smellið á tenglana til að sjá.

Ályktun "Lifi Vestfirðir" 

Skýrsla Vestfjarðanefndar

Skýrsla samgönguráðuneytis

Innskráning

Ath. Vinsamlegast kveikið á Javascript til að hefja innskráningu.

Hafðu samband