Spurningar Gríms Atlasonar

Það er stjórnmálafundur á Stöð 2 í kvöld með formönnum allra flokkanna. Fólki er leyfilegt að senda inn spurningar til formannanna. Mér leist mjög vel á spurningarnar hans Gríms Atlasonar Bæjarstjóra í Bolungarvík. Þannig að ég sendi þær og vonandi verður einhvað af þeim svarað.

Ég vona að Grímur sé ekki ósáttur við þetta, en spurningarnar voru opinberar og nokkuð góðar.

Einnig hvet ég alla Vestfirðinga til að senda inn spurningar á póstfangið [e-mail]

Hérna eru spurningar Gríms:

1. Kemur flutningsjöfnun í formi strandsiglinga eða eftir öðrum leiðum til greina og þá með hvaða hætti?
2. Á að stofna Háskóla á Vestfjörðum - hvaða deild(ir) og hvenær?
3. Þarf að auka tekjustofna sveitarfélaga - hvaða og hvenær?
4. Kemur til greina að beita sértækum svæðabundnum aðgerðum í skattamálum?
5. Kemur til greina að beita sértækum svæðabundnum aðgerðum í samgöngumálum?

Ef þessum spurningum verður svarað á sannfærandi hátt, þá er mitt atkvæði þeirra!

Nú er bara að vona að spurningarnar verði notaðar í þættinum.

Fundurinn hefst laust fyrir klukkan sjö og er í opinni dagskrá.